21.8.06

عن التى رحلت

مشوشه
لكن تجتاحنى رغبه محمومه فى الكتابة
الحلم
سلم طويل .. ينتهى هناك.. لا تنظر فلن يفيدك النظر .. لن تستطع عيناك بلوغ نهايته
ضيق .. عال .. دون اسوار استطيع الاحتماء بها ..كان .. وكان على الصعود
وحدى
المدينة
"العاهرة العجوز"- هكذا يلقبها احد الاصدقاء- تلفظنى.. زجاج المحلات .. وريقات الاسعار المعلقه هنا و هناك ...الارصفه .. كل ما فيكى يا ابنه المعز يقذف بى بعيدا.
العمل
عند بوابه الدخول .. اخلع احلامى و قناعتى .. اضعها بحرص – ليس خوفا عليها لكن خوفا من ان تزعجهم – جوار احلام الاخرين ثم أمر.
الاصدقاء
إين انت ؟ ..
باكبر قدر ممكن من اللهجات و طرق المحادثة سمعتها .. لايدركون انهم يسألون عن من رحلت منذ زمن
هو
الوقوف وحيدة بالمحراب نصف المرمم لجامع الحاكم ..
برودة اشعر بيها فى اوائل يوليو
وسؤال
ماذا لو ان الرب مر بسبابته على صدر احدهم ؟؟

11 Comments:

Blogger فنجان قهوة said...

فيه نسمة باردة لذيذة جاية من آخر طريق الحلم اللى عينى مش جايباه
ماكنتش اعرف انك واحشانى كده
شكلك انتى واحشة نفسك اصلا .. شكلك واحشة نفسك اوى .. و دى علامة صحية

8/22/2006 3:11 PM  
Anonymous HaNy said...

حمدلله علي السلامة انتم الأتنين

8/22/2006 6:08 PM  
Blogger Solo said...

تعرفى حاجة .. حسيت كل المقاطع بشكل جميل و قاسى فى نفس الوقت - اتنين فى واحد - لكن مع وصولى للمقطع الاخير لم أشعر بأى رغبة فى أن يمرر الرب سبابته فوق صدرى ... مش عارف مادامت الحياة قاسية كده يبقى متشكرين أوى أوى للمساته.

8/23/2006 10:20 PM  
Blogger sonia said...

موش عارفه اقللك اى حاجه انا عاوزه اعلقلك وخلاص..عاوزه اقول حاجه صغيره بس انتى انسانه رقيقه اوووى وعلافكره انتى عملتلى حاجه حلوه اوووووووووى من غير متحسى بس كفايه انك كنتى موجوده فوقت انا كنت عاوزاكى فيه

8/23/2006 11:16 PM  
Blogger change destiny said...

و احنا بقينا مشوشين ولا مشوهين ؟

8/24/2006 4:10 AM  
Blogger salah said...

!!هاينور
اعتقد طريقه جيده للرحيل

8/24/2006 10:54 AM  
Blogger شاطىء أخر said...

فنجان
متعرفيش اد ايه طلوع السلم متعب اوى و الغريبه و بالرغم من انى مش مجبرة اطلعه الا انى بطلعه فى كل حلم

هانى
و حمدة على سلامتك

سولو
انا احيا هذة القسوة و هذا الجمال و حتى لو مكناش عيزين اللمسات دى فهو برضه موش بمزجنا

سونيا
قريت تعليقك اكتر من مرة و بالرغم من اندهاشى منه انى فعلا مش عارفه انا عملت ايه بالضبط لكن بحد يسعدنى انك سعيدة

change destiny
اعتقد ان التشوش نوع مراوغ من انواع التشويه

Salah
مممم

8/24/2006 4:29 PM  
Blogger littilemo said...

سيجد انوار السماء

8/25/2006 4:19 AM  
Blogger shady said...

المدينة
"العاهرة العجوز"- هكذا يلقبها احد الاصدقاء- تلفظنى.. زجاج المحلات .. وريقات الاسعار المعلقه هنا و هناك ...الارصفه .. كل ما فيكى يا ابنه المعز يقذف بى بعيدا.
العمل
عند بوابه الدخول .. اخلع احلامى و قناعتى .. اضعها بحرص – ليس خوفا عليها لكن خوفا من ان تزعجهم – جوار احلام الاخرين ثم أمر.


آه كلام فى الصميم

8/26/2006 6:56 AM  
Anonymous mwahdan said...

هو فيه إيه؟

8/28/2006 3:22 AM  
Blogger شاطىء أخر said...

littilemo
ربما

shady
أه ،أه كبيرة اوى
mwahdan
مين اللى قال انه فيه حاجه

8/28/2006 12:44 PM  

Post a Comment

Links to this post:

Create a Link

<< Home