17.4.06

مطر


امطار كثيرة تنهمر
و الارض حبلى بالاوحال
صفاء مرعب يتملكنى
افتح مسامى الى منتهاها
و جد ابتهل للسماء
الشمس تسطع من الداخل
و هذا ما يؤرقنى
فانا احب الامطار
صوت جوليا بطرس الحزين ينادينى
و الظلال الرمادية تملؤنى
انا ايضا مليئة بالوحل
انحنى و اضع بذرة صغيرة
و اترك للسماء مهمه رويها
قد اثق الان فى السماء
لكنى لا اعرف اى نتاج سوف يكون لتلك البذرة
...لن اهتم
اعتقد انه ان الاون لامتلك زرعتى الخاصه
ولن يهمنى نوعها
...الان
.سأتوسد راحتى وانام

14 Comments:

Anonymous mwahdan said...

بس البذرة عايزة تربة ومطر.. وكمان عايزة حد يراعيها ويفرح بيها لما تكبر

4/18/2006 7:25 PM  
Blogger Darweshe said...

اخاف عليكى بعد توسدك لراحتك وبعد نومك الهنىء ... ان يفزعك ويقض مضجعك كابوس .. الا وهو عدم صلاحية البذرة او انها كانت ارهاصات بذرة ... فننتظر طويلا وطويلا ننتظر ... لنجنى ثمرة ماهى الا عن خيال شعرا ومالهوش اثر وننتهى الى الفناء كما انتهى اسلافنا مرتاحين البال والحال ومتوهمين ان هناك ثمرة سوف يجنيها الخلف ... ولكن الحقيقة قد تكون ..لا شىء...
اعتقد ان هذا هو ماخدعنا به بالفعل اسلافنا السابقين
ولكن ثقى بالسماء عزيزتى فأنها لن تأتى بالسوء ... وهذا ما اعتقده .....
ولكنى اناقض نفسى قائلا ان الارض الارض لازالت مليئة بالسنابل .. وهذا ما يدفعنا للامل بأن حبوب سنبلة تموت ستملأ الوادى سنابل ..... ستملأ الوادى سنابل .... ستملأ الوادى سنابل

4/19/2006 10:53 PM  
Blogger salah said...

اصحي يا شاطرة اصحي يلا الساعة بقت اتناشر
بزرة اية ووحل اية
you sinner !

4/20/2006 2:09 PM  
Blogger yara said...

ايه الحالة دى
الشمس تسطع من الداخل وصوت جوليا الحزين .. اكيد بذرة خير
الله عليكى

4/20/2006 3:14 PM  
Blogger شاطىء أخر said...

mwahdan
ممممم
التربة والمطر في منهم كتير لدرجة تحولهم الى وحل
انما ان حد يرعها و يفرح بيها
اهو ده اللى اشك فيه

درويش
تعرف وانا بكتب الرد دلوقتى بسمع اغنيه "رسالة من امراءة لفايزة احمد
"عارف بتقول ايه دلوقت بتقول انا لست اسفاة عليك
-طبعا مش عليك انت -
:P
عارف هيه ليه بتقول كده لانها هيه فى البدايه كانت صحبه الاختيار
انا كمان لو صحيت على كابوس ابقى انا اللى استاهل لاننى هى انا التى قررت النوم
اما بالنسبه للثقه بالسماء لا اعرف كيف اثق بها و انا لست من اهلها بل من اهل الارض

ANIMAL
عجبك كده تصحينى من النوم
ايه الدوشه اللى انت عملها دى يا مجرم


يارا
انا فعلا كنت بكتبها وانا بسمع جوليا انسانه صوتها مرعب


فى النهايه لااملك غيرها
تحياتى

4/20/2006 3:42 PM  
Blogger shady said...

صفاء مرعب يتملكنى
أيكون الصفاء مرعباً؟؟؟؟؟؟؟

4/20/2006 4:44 PM  
Blogger جليلة said...

ياه
الظاهر المطر بتاع اليومين اللى فاتوا دول كان مبهدل كل الناس
مدونة رائعة

4/20/2006 5:33 PM  
Blogger littilemo said...

ثقى ان السماء ترعاكى كما ترعانا كلنا

4/21/2006 1:23 AM  
Blogger فنجان قهوة said...

الله عليكى

4/23/2006 3:13 PM  
Blogger marktwain said...

نعم لقد حان الوقت لمتلك كل منا زرعته الخاصة
*******

4/24/2006 3:59 PM  
Blogger Mando4ever said...

كلام فارغ ملوش أي لازمة....

نسيته بمجرد ما قفلت البلوج...


بس كويس...اني بشوف حاجة زي كدة...

عشان بس اتأكد اني مش الشخص الوحيد اللي بيكتب كلام فارغ...

أسلوبك ممتاز....

وأفقك ضيق....

4/25/2006 6:42 AM  
Blogger شاطىء أخر said...

shady
الصفاء
لما تكون مش متعود عليه بيكون مرعب جدا جدا

جليلة
اه والله يا جليله المطرة مبهدل الدنيا لدرجة ان هدومى لسه منشفتش
اشكرك على رايك الجميل فى المدونة
منورة
:)

littilemo
قد اثق

فنجان قهوة
بجد بجد حمد لله ع السلامة
لما تغيبى تانى ابقى قولى

marktwain
اتمنى ان نكون سعداءبتلك الزرعه

Mando4eve
و الله بحاول اخس علاشان افقى يجى على مقاسى
وعموما متقلقش لو منفعش حوديه للخياط يوسعه

تحياتى

4/27/2006 2:59 PM  
Blogger karakib said...

تاني مره اجي المدونه ديه 000 و تاني مره باسجل اعجابي
انتوك

4/28/2006 3:17 AM  
Blogger شاطىء أخر said...

karakib
يا رافع معنوياتى
اشكرك موت على ذوقك
بس لى سؤال ولو فيها قباحه
هو يعنى ايه "انتوك؟
عموما انتوك"
;-)

4/30/2006 4:56 PM  

Post a Comment

Links to this post:

Create a Link

<< Home