15.6.06

رحلــــــة

انا زهقت -
انا كمان -
ماتيجي نكت.. نحوشلنا خمسين ستين جنيه ونكت بره البلد -
اشطه نروح فين -المجر..بلغاريا -
ممكن النمسا.. أصلى كائن بحرى -
ممكن جدا -
فيينا -
ها و حنعمل ايه هناك؟ -
انا اول ماهروح هنام مع نسوان الاول قبل اي حاجة.. اخلص وبعدين نشوف بقي ممكن نعمل ايه -
ياله تانى خطوة -
تاني خطوة -
نشوف مسرح نحضر فيه حفلة كلاسيك لايف -
اشطه و تفهمنى -
...وبعدين نقعد نشرب قهوة في اي مكان... اكيد القهوة عندهم مختلفة -
ونشترى مركب -
عايزة مركب؟
-جدا..جدا -
كده الفلوس مش هتكفى .. بس مش مشكلة.. ملعون ابو الفلوس -
نشتري مركب صغير -
و كمان عايزة اشترى فستان اسود مفتوح
-ماشى -
.. نعدي علي محل.. بس بقولك ايه.. علي شرط -
شرط ايه؟ -
يكون غالي..اه.. فستانك ممكن نخلص عليه فلوسنا.. معنديش مشكلة -
و حلبس عليه سلسله رفيعه جدا... فيها مفتاح الحياه -
ماشي.. عايزة ايه تاني؟ -
اتعلم رقص التانجو -
ممم... طب مااقولك حاجة احلي -
ها؟ -
احنا نقف في وسط ميدان ونرقص مع بعض رقص غير منتظم بالمرة -
ونهلل -
ونعلي صوتنا -
ونصرخ -
ونضحك -
ايه رأيك؟.... مش احلي من التانجو؟ -
احلى كتير.. و نعيط؟؟ -
لا بلاش عياط.. العياط ساعتها هايفكرنا... انا هابقي مش عايز افتكر -
ماشى.. معلش اصلى نكديه شويه -
نضحك علي قد مانقدر... نضحك لحد ما ندمع من الضحك... ونقع علي الارض -
ممكن جد -
و الدنيا تمطر -
وفستانك الجديد يتوسخ!!ا -
و ايه يعنى .. طز -
مش مهم .. نشتري واحد غيره -
و اقلع الجذمه -
اقلعي الجزمة وطوحيها -
حطوحها لابعد حته فى الدنيا -
وانا كمان.. هاشمر البنطلون -
واجري -
وانط.. انط في الهوا -
و انا حضحك باعلى صوت -
اه -
صوت..عالى ..عالى.. عالى موووووت -
و اغنى منير" انا بعشق البحر.. زيك يا حبيبتى حنون ..و سعات زيك مجنون"ا -
اقولك -
قول -
احنا نجري في كل الشوارع... نلف البلد كلها جري... ونلمس الحيطان -
اه نلمس الحيطان بس مش بأدينا بجسمنا -
ونسلم علي الناس كلها.. ونضحك في وشهم.. ونقولهم اننا مجانين -
ايوة -
نوقف الناس ونقلهم "انحنا مجانين علي فكرة"ا -
انا موافقه جدا... ونروح البحر.. وننزل بهدومنا -
نغرق بعض.. ونطلع.. نترمي ع الرملة.. بهدومنا برضه -
علي فكرة -
ها؟ -ممكن اغمي عنيا وانتي تقلعي فستانك وتنزلي المية... انا هاستناكي.. عشان اعمل كده بعديكي -
الصراحه.. انا طول عمرى نفسى انزل البحر من غير هدوم -من غير هدوم خالص!!!ا -
اه .. كده منى ليه.. خااااااالص.. و لا اى شىء.. و اسيب نفسى للميه.. اكون بس مفعول به -
هاننزل من غير هدوم.. ايه المشكلة يعني.. ماحدش يعرفنا هناك -
وياريت لو فيه جزيرة بعيدة شوية.. نعوم لحد عندها -
لالالا... لازم يكون فيه ناس -ليه؟ ايه فايدة الناس؟ طز في الناس يا بنتي -
... مش اكترنقلهم اد ايه احنا سعدا..لا علاشان نغيظهم بس -
فل.. ونطلعلهم لسانتنا -
نطلعه على قد ما نقدر -
ونشاور عليهم ونضحك -
عالى بصوت عالى -
اعلي كمان -
عالى اوووووووووووووووووووووى -
نحاول نوصله للسما.. علي اد ما نقدر -
لاء ابعد -
ابعد؟ -
اه ابعد من السما -
فل اوي.. ابعد من السما.. طز في السما -
طز جدا -
و فى الجاذبيه الارضيه كمان -
نقول طز -
طزززززززززززززززز -
ونشتم بعض.. طز فيكي.. طز في -
و طز فيك.. وطز فى -طز في الف مرة -
و طز فى كل حاجه -
النماويس.. الكون.. الفلسفه.. الدين.. السلطه.. الموت.. الرغبه.. و المستقبل.. و الامان -في كل حاجة... القوانين... -
-الالتزام.. النظام.. الرجولة والانوثة.. الدين..ا لحب.. الحياة.. المرض
و طز فى جسمى و طز فى جسمك -طز في جسمي.. وطز في جسمك.. وطز في جسم احلي بنت في العالم.. واوسم راجل في العالم
و السعادة -
طزززززززززززززززز في السعادة -
تعالي نجري.. هاتي ايدك.. ونجري... لحد مايتقطع نفسنا -
و نقع ع الارض -
نقع.. ونتمرغ.. ونلحوس بعض بالتراب... دي ياريت لو طينة.. وورق شجر.. وهوا -
ورق شجر اصفر ودبلان وناشف -يطري بالطينة
-يقع على الطين و يلزق فينا -
جسمك كله طينة وجسمي كله طينة.. عارفة -
ايه؟؟ -
احنا لسه في اول التكويين -
مفيش تكوين -
صح احنا هانعمله.. نعمله من الاول -
مفيش حد غيرنا... اناو انت و ربنا -
وبس -
كائن واحد -كائن واحد!!ا -
حته و احد -
- ماسكين ايد بعض.. وبنط.. بنوصل للشجر او للسحاب ونشوف ناس تانية نسلم عليهم ونضحك في وشهم ونقلهم طزززززززززززز عارف احلى حاجه ايه -
ايه؟ -
اننا مش عايزين حاجه من بعض.. مش عيزين حاجه من بعض غير الاستكانه -
يا بنتى احنا اللتنين ولا حاجة.. ولا حاجة خالص.. نقطين مية في بحر -
احنا الاتنين طز -
هههههههه طزززززززززززز جدا... اقلك على حاجه -
ها؟ -
احنا اللتنين احا.. مش اكتر -
ههههه ..احا جدا -
احا من جوة.. من جوة اوي

11.6.06

يوماً ما

يوماَ... سأستسلم لجنونى
يوماً... سأترك احداقى تتسع و تتسع الى أن يغرق العالم داخلها
و بحركه أوديبيه بيسطه سأفقىء عيناى
يوماً سارقص بأذانى الصماء على انغامى انا وحدى
و يوماً لن لن اهتم بدمى المتساقط على الطرقات
فقط سأسير بقدماى الحافيتين
فقط ساسير على خطوطى
فقط سأسير الى الامام
فيوماً...
سأستسلم لجنونى

6.6.06

وعكه


اليوم اعود مرة اخرى لتناول مضاد الاكتئاب
ليست المرة الاولى التى اعود فيها لتناوله بعد فترات انقطاع
المرات السابقة كانت بإصرار من طبيبتى النفسيه و أصرارى على انى لست فى حاجه اليه
اليوم اعود اليه وحدى وهذا ما يؤكد لى اننى اصبحت على الحافة
---
منذ ما يزيد عن خمسه عشر يوم و انا احيا على القهوة و فشلى المتكرر فى محاولات النوم و دهشه الاخرين عند معرفتهم بأمرى
شبح رجل ميدان رمسيس وسؤاله مازل يطاردنى
يتقاسم معى حزنى على فتاه السنيما و حزن وجهها الملطخ بالمساحيق
اخذ يساومها باصبعه الاربعه و اشار بيده ان هذا يكفى اكتفت هى بهزة من رأسها و العودة بظهرها خطوتان الى الوراء
---
مقهى وسط البلد
نصف المزدحم, نصف النظيف, نصف المتسخ, نصف الحميمى حتى مساحة الكبيرة توكد لى دوما اننى فى المنتصف , فى المنتصف منه هو أيضاً , و برغم الذكريات السعيده عذراً ايها المقهى اكرهك
اكره أيضاً حلولى الوسط والمؤقته لكنى لا اجيد سواها
و أذا سألتنى عن ما إجيده ايضاً
إجيد رسم الدوائر و ايجيد الوقوف فى منتصفها وحدى
أجيد بعثرة تفاصيلى بهدوء
وبهدوء أيضاً اجيد الركض نحو الاتجهات الاربع وفى نفس التوقيت
و اجيد ايضا الاندهاش عندما اكتشف اننى بعد كل هذا الركض مازلت اقبع فى نفس المكان
---
فى المطعم ارستقراطى الطابع عرفت انى اراه لاخر مرة
وبعد ان انتهت من مشروبى شديد المرارة اندهشت لاكتشافى بقايا حلوة الطعم .. كان خليط من مشروبين شديدى المرارة و الحلاوة و كان على مزجهما كى أحصل على المذاق الذى اريد ...
أكتفيت بالمرارة و مراقبتى طريقته السادية فى اشعال سيجارة
------
أقول الى نفسى ابقى بلا حراك و انتظرى بلا امل
فالامل قد يكون تيمناً للشىء الخاطىء
و انتظرى بلاحب
فالحب
قد يكون حب للشخص الخطاء
لايزال هناك بعد إيمان
... لكن
الامل و الحب و الإيمان
كلها اشياء فى الانتظار
(تى اس اليوت)
-----
بعد مرور عدة دقائق اكتشفت اننى ركبت الاتوبيس الخطىء
اغوص اكثر فى مقعدى و اقرر عدم النزول
المقعد الخالى بجوارى يربكنى
تتواطىء معه اعمدة الانارة المطفئه و ارصفه مهجورة من المارة
فقط
هما الاثنان .. بينهما بتعمد مدروس مسافه و بكارة ابتسامة
فى الميدان الكبير أحاول فعل شىء انتشل به ذاتى من القاع
اهاتف احدهم
ليتركنى استمع لل"كول تون" الخاصه به
العن الهواتف و شكرات الاتصالات و برامج التحدث عن بعد و كل ما يفقدنى النظر لعينيى انسان و انا احادثه
ماذا لو اوقفت احدهم و اخبرته بأننى اريد الاحتماء بالحديث اليه
هل سيستمع؟؟

1.6.06

شويه فلسفه

في يوم صحيت شاعر براحة و صفا
الهم زال و الحزن راح و اختفي
خدني العجب و سألت روحي سؤال
أنا مت ؟ و لا وصلت للفلسفةعجبي !!!ا
---
فجر الشتاء و الوقوف على ارضيه شديدة البرودة "حافية" فقط للحصول على كوب قهوة جيدة
الصنع

مجرد طرح فكرة الذهاب الى السنيما أو خان الخليلى ... اما الذهاب فعلاً فهو النعيم

أدفى مكان فى العالم .. حضن جدتى

مصادفه فتح الراديو فى نفس الوقت التى تبداء فيه اغنيه احبها و خصوصا عندما تكون رساله من تحت الماء

شرب نسكافية بدون سكر او لبن مع قطعه شيكولاته

تصميم بائع مناديل عبد المنعم رياض اليومى على معرفة اخبارى وسؤاله "مش كله تمام و الحمد لله؟"ا

شراء كتاب قديم من على الرصيف و محاولة جلعه صالح للقراءة

ا"العيال" شلة اصدقاء الجامعة أحلى ما فى الوجود ... و جلسات النميمة و التقارير المتبادلة

قطتى – قبل ان تختفى فى ظروف غامضة – و اصرارها على النوم بجانبى و ايقاظى فى الوقت الذى تحدده هى

ا(م) أبى الذى يكبرنى فقط بعامان ولم اعرفه سوى من اشهر قليلة

تواجدى و سط اكبر عدد ممكن من البشر

اكشافى أن (ع) أكثر جنوناً منى ... و لكنته الاسكندرانى

الاستسلام لجنونى و حماقتى دون التفكير فى النتائج

البيوت القديمة

حميمية الحديث مع شخص اراه لاول مرة

(هنــــد)

شراء خاتم فضة من وسط البلد

تمرير زنجى للتدبيسة الذيذة دى لى

...و أخيرا
البحر .. البحر .. البحر
-----

كل الاسباب دى بتخلنى أسال روحى هو انا مت؟؟ و لابقيت فيلسوفة

المرة دى احب امرر السؤال لكل الناس اللى بتقرا المدونات و معندهمش مدونه
ايه الاسباب اللى بتخليك سعيد؟؟
اكتبها ان شلله فى ورقة و شيلها معاك
لانه يستاهل الاجابه